ટીએમસી-ભાજપ વચ્ચે થયેલા ઘર્ષણના જૂના વિડીયોને ગુજરાતનો ગણાવી શેર કરાયો
બૂમે શોધી કાઢ્યુ કે આ વિડીયો 5 ઓગસ્ટ 2022ના દિવસનો હુગલી પશ્ચિમ બંગાલનો છે ત્યાં ટીએમસી અને ભાજપના કાર્યકરો વચ્ચે ઘર્ષણ થયુ હતું.
Claim
ગુજરાતમાં વિધાનસભાની ચૂંટણીની પહેલા જ ભારતીય જનતા પાર્ટીના કાર્યકરો પર કેટલાક લોકો દ્વારા પશ્ચિમ બંગાળમાં થયેલા હુમલાનો વિડીયો સપાટી આવ્યો છે જેમાં દાવો કરાયો છે કે આ ઘટના ગુજરાતની છે. એક યુઝરે આ વિડીયો શેર કરી લખ્યુ છે કે ‘સામાન્ય ગુજરાતીઓ જ્યારે કુકર્મી અને ધુતારા ભાજપીયા પર તૂટી પડ્યા… હજુ તો શરૂઆત છે, લંકા દહન બાકી છે’ (ઓરીજીનલ હિન્દી કેપ્શન: आम गुजराती जब टूट पड़े कुकर्मी धूर्त भाजपाइयों पर... अभी तो शुरुआत है, आगे लंका दहन बाकी है....!!)
FactCheck
વિડીયોમાં બંગાળી ભાષામાં નારેબાજી સંભળાતી હોવાથી બૂમે એ ખાત્રી કરવામાં સફળ રહ્યુ હતુ કે આ વિડીયો પશ્ચિમ બંગાળનો છે. આ ઉપરાંત તે પણ જોવા મળ્યુ હતુ કે ભાજપના ઝંડા લગાવેલા વાહનો પર જ લોકો હુમલો કરી રહ્યા છે. સમાચાર અહેવાલ મુજબ હુગલીમાં ટીએમસી ધારાસભ્ય અસિત મજુમદાર અને તેના સહયોગીઓનું ભાજપના કાર્યકરો સાથે ઘર્ષણ થયુ હતું.
